15361690ՌՃԾԳ - 1704։
նօտր մանր։
Ա-ԻԳx12 (ԻԳ՝ 3)։
թուղթ տոկուն եւ սպիտակ։
երկու կողքերուն կեդրոնները խաչելութիւն, Աստուածամայր եւ Յովհաննէս, առնուած գեղեցիկ կերպով դրոշմազարդուած շրջանակներու մէջ. շագանակագոյն կաշի, միջուկը տախտակ, դռնակով եւ զոյգ փականքներով. կը պակսին զոյգ գամերը. աստառն է ներմակի վրայ կանաչ ծաղկեայ տպածոյ լաթ։ - ՊԱՀՊԱՆԱԿ դատարկ զոյգ թուղթեր։
բաւարար. թղ. 76-81, 231-8, 245, 248, 257-260՝ գրադաշտը սեւցած են՝ թանաքին պատնառով։
պարոն Մնացական։
կարմիրջ թանաքով։
բազմաթիւ, կարմիր եւ կապոյտ գոյներով։
թղ. 3ա։
թղ. 61ա, 230ա, 237բ, 253ա, կարմիր եւ կապոյտ։
թղ. 2բ, 266ա-267բ։
Բնագրին գրչութեամբ. 1. Թղ. 265ա. «Փառք...։ Որ ետ եւ տայ յար զլուսաճաճանչ լուսափայլութիւնն մատարարական բանիւք տեղանողացն եւ ընտրելովք առաքելոցն եւ հոգիընկալ վարդապետովքն, առ ի լուսաւորել զաչացու մարդկայինս ազն։ Յորոց մինն է երանելին Դիոնէսիոս, որ աստուածական բանիւն իւրով յաւէժ լուսաւորէ եւ յերկինս հրաւիրէ. որոյ աստուածաբուխ վտակիս եռափափաք տենչ մամբ ցանկացեալ ազնիւ ծառայն Քրիստոսի պարոն Մնացականին, ետ ածանցել եւ մակագրել զտառս աստուածունակս եւ արփիափայլ ճառագայթս ակնախտիղ, ի լուսաւորութիւն մտաց իւրոց եւ յընթերցումն ապագայիցն եկելոց, եւ ի յիշատակ բարեպաշտիկ ծնօղացն իւրոց, յետ նոցունց եւ նորաբողբոջ հարազատացն իւրոց. վասն որոյ եւ յաղագս բաղձանաց եւ եռափափագ սիրոյն զոր ի սմա պարաւանդեալ ունէր, հարկեցոյց զանարգ եւ զանպիտան ենթակայացեալս ամենայն չարեաց եւ անօրէնութեանց, զյոգնաբեղունս չարեօք զԱստուածատուր եւեթ անուամբ քահանայս, զկոխանս ամենայն մսեղեաց, որ յամէնում րոպէիում ըստորոգի ներմտացս նորակերտ մեղք եւ չարիք, ի յարտաշնչմանէ եռամասնեայ հոգւոյս մասնեկացս, եւ տինա քառակի մարմնոյս սապիսեօք չարեօք ամրափակեալ. մակագրեցի զճառագայթափայլ արփիանշուլ տրակս, որ ակնախտիղ ճառագայթափայլութեամբն իւրով աչացու առնէ ըզհերետիկոսն եւ լուսաւորէ եւ փափկացուցանէ զհաւատացեալս առաքինագործսն եւ ցաւեցուցանէր զպոռնկասարաս զաչս իմ մակագրելովն, վասն որոյ հազիւ ի գլուխ ելի եւ ի յանգ։ Ցաղագս որոյ աղաչեմ զբանասէրսդ՝ յորժամ հանդիպեսջիք ի յածանցումն եւ ի յ(ը)նթերցումն սորին, միով Հայր մերիւ յիշատակեսջիք զվերոյ գրեալսս, զի եւ դուք յանջինջն գրեսջիք ի գիրն կենաց։ «Արդ, կրկնաբանելով աղերսեմ, զի ամենայն յօժարամտական բանիւք յիշեսջիք ի մաքրափայլ յաղօթս ձեր զքաջ ուշիմ պարոն Մնացականն, զհայրն իւր զԳրիգորն եւ ըզմայրն իւր Թագուհին, որք ի Տէր են հանգուցեալ։ Դարձեալ յիշեսջիք ի Քրիստոս ըզպարոն Մնացականն եւ զկողակիցն իւր Վարթերն եւ զնորաբողբոջ Քրիստոսիւ զօրացեալ զորդին իւրեանց զՅովսէփն եւ զդստերսն իւրեանց, եւ դուք յիշեալք ի Քրիստոս։ «Արդ, աւարտեցաւ աստուածունակ տրակըս ի մեծավայելուչ քաղաքս Իսպահան, ի գեօղաքաղաքս Ջուղայ, ձեռամբ անարժան Աստուածատուր եւեթ անուամբ քահանայի յետնեալ յամենայն բարութենէ. ի ժամանակս թագաւորութեանն Պարսից Շահ Սուլթան Հուսէնի, խոհական արքայի, եւ ի հայրապետութեան Տեառն Նահապետի, ի թուաբերութեան հայկազունի ՌՃԾԳ (1704), յամսեանն Մայիսի ԻԷ, ի դուռն սրբոյ Յակոբայ, որ է աւրհնեալ յաւիտեանս. ամէն»։ 2. Թղ. 60բ. «Ով սրբազան ընթերցօղ, յորժամ լուսաւորեսցիս ի լուսաճաճանչ նըշուլից սորա, ընկալ զաղերսս եւ միով Հայր մերիւ յիշեա զանարժան Աստուածատուր քահանայս, զոր բազում աշխատութեամբ գծագրեցի, յաղագս պայազատ պարոն Մնացականին, յիշատակ իւրն եւ իւր ծնօղացն եւ հանգուցեալ դստերն Թագուհոյն»։ 3. Թղ. 229բ. «Զստացօղ լուսազարդ տառիս զպարոն Մնացականն եւ Քրիստոսիւ զօրացեալ զորդին զՅովսէփն եւ զայլ արեան մերձաւորս յիշել աղաչեմ»։ Բնագրէն տարբեր գրչութեամբ. 4. Թղ. 265բ. «Յամի տեառն 1796 ստացայ զգիրքս զայս ի յանօրէն պարսից, ի յաւարոցն Միլֆիզու, յորժամ պիղծ Խաջար աղայ Մահմէթ խանն գերեաց զմարդիկ եւ զամենայն ինչս նոցա։ Իսկ մեծ եւ քաղցը կայսրուհին ամենայն Ռուսաց առաքեաց ըզզօրս իւր ի Պարսս՝ վանել զնա, եւ իմ ընդ նոսա հասեալ ի Գանջայ, վասն մեղաց մերոց ի Քրիստոս հանգեաւ բարեպաշտ թագուհին, եւ մեր գնացեալ ի Վիրս, անտի դարձաք ի Ռուսս ընդ զօրացն, յամի Տեառն 1797։ «Գիրքս այս շնորհեցաք որդւոյ մերում Գրիգորի վարդապետի, Նորոյ Նախիջլեւյան, ի վայելս սեփական անձին իւրոյ»։