6521860չունի յիշատակարան, սակայն պատարագին մէջ կը յիշատակուի «Փիլիպպոս Հաղբակացի» կաթողիկոս, որ վախճանած է 1655ին։
բոլորգիր ընտիր։
26, որոնցմէ ա եւ ժէ՝ ունին 10 թուղթ, իզ՝ 11 թուղթ, մնացածները իւրաքանչիւրը ունի 12 թուղթ։
մագաղաթ ընտիր։
փայտեայ կաշեպատ, դրոշմազարդուած, ներքին կողմէն ծածկուած մութ սրճագոյն լաթով. առաջին կողքը կաշիով միասին նաթած, իսկ կռնակի կողմը չորութենէ նաթած ու բացուած, վերէն վար կը պակսի կաշիի շերտ մը ու կը տեսնուին կազմին թելերը։ Գոցելու զոյգ ականջները ինկած են։
բաւական լաւ, անթերի ու կատարեալ. միայն կազմն է որ կարօտ է նորոգութեան։
սկիզբն ու վերջը երկուքի ծալուած սպիտակ մագաղաթներ։
բազմաթիւ։
ոսկետառք ու կարմիր։
բազմաթիւ, կիսախորաններու նման բազմագոյն, ուր կը տիրէ ոսկին։
երկու հատ, թղ. 4բ՝ եմիփորոնով հայրապետ մը, ձախ ձեռքին ունի աւետարանը ու աջը օրենելու դիրքով. թղ. 281բ՝ սուրբ մը կանգուն, քայելու դիրքով, աջով բռնած է աւետարանը։ Երկու նկարներուն ալ կը պակսի դէմքի արտայայտութեան նրբութիւնը։
թղ. 5ա, 281ա։
եօթը հատ (թղ. 71ա, 106ա, 113բ, 142ա, 167ա, 175ա, 282ա). բոլորն ալ բազմագոյն եւ ընտիր, ճարտար գրիչի արդիւնք։
կարմիր թանաքով են։
թղ. 65բ-70բ, 197բ-200ա, 272ա, 281ա. երկու թուղթ ալ թղ. 1էն առաջ՝ որոնք մաս կը կազմեն ա թերթին եւ չեն թուարկուած։
տօնացոյցին մէջ անցողական կերպով գրիչը յիշած է անունը խորագիրներուն մէջ՝ այսպէս. թղ. 229ա. «զգծողս յիշեայ», թղ. 248ա. «Եւ զմեղաւոր Թրս ( = Թորոս) գրիչս յիշեա»։
«Գնեցաւ ի 14 Փետր. 1920, ի Պր. Կարապետ Ձօրպաճեանէ՝ 120 իտ. լիրայից»։ Մատեանս է ժամագիրք, Տօնացոյց, Տումար եւ Դպրութեան գիրք։ Իր բովանդակութեամբ կը տարբերի նախորդ ժամագիրքներէն, որովհետեւ լրիւ ունի ժամերգութեան սաղմոսներն ու այլ երգերը, որոնց ցանկը հետեւեալն է. 1. Թղ. 1ա. (Դաւանութիւն հաւատոյ եւ կարգ ապաշխարութեան). «Դառնան յարեւմուտս եւ երիցս անգամ կրկնեն ասելով. Հրաժարիմք ի սատանայէ...»։ 2. Թղ. 3բ. «Խրատք ժամատեղեաց ըստ արեւելեան սահմանացն սկսուածոց եւ ասութեան աղօթից, զոր խնդրեալ սուրբ վարդապետն Յակօբ Ղրիմեցին ի մեծէ Րաբունւոյն Գրիգորէ Խլաթեցւոյն»։ 3. Թղ. 5ա (Կարգաւորութիւն Գիշերային ժամու) անվերնագիր։ Տպագիր ժամագիրքներու նման ունի «Տէր զի բազում» սաղմոսը ամբողջութեամբ. «Յիշեսցուք ի գիշերի...»։ «Զարթուցեալքս» քարոզէն յետոյ՝ տէրունական տօներուն համար օրինակուած է «Առաւօտ լուսոյ», որու կը յաջորդէ իսկոյն «Աշխարհ ամենայն», «Արթունք եղերուք» եւ «Աստուածածին մայր Քրիստոսի» երգերը։ - «Վասն գտանելոյ» քարոզին եւ երկմասնեայ աղօթքին կը յաջորդէ «Կանոնագլուխ ըստ կարգի. Դատեա՛ Տէր...», «Կանոնագլուխ Բուն բարեկենդանին եւ Նոր կիւրակէին», «Կանոնագլուխ մեծի Ուրբաթոշն», «Կանոնագլուխ մահու մեծի Շարաթոջն»։ - Բացատրական խորագրէ մը յետոյ ամբողջութեամբ օրինակած է «Այսօր անճառ» երգը, միջանկեալ նշանակելով աւետարանի հատուածն ու երգուելիք սաղմոսը «Բան անօրէնութեան...»։ Թղ. 35ա. «Աւետարանք Հանգստեան, ըստ Մատթէոսի». չորս աւետարաններուն կը յաջորդեն «Աստուած անեղ» «Արարիչ եւ մարդասէր» երգերը։ Թղ. 44բ. «Ողբ գերեզմանաց. Ես ասացի ի վերանալ...»։ Թղ. 45ա. Կը յաջորդեն Գիշերային ժամերգութեան աւարտին երգուելիք Ալէլուիաները, ապաշխարութեան ու մարտիրոսաց ւթագաւոր յաւիտեան»ները, 4. Թղ. 71ա. «Կարգաւորութիւն... Առաւօտու ժամու»։ «Մեծացուսցէ» սաղմոսին կը յաջորդէ Իւղաբերից քարոզը, երգը եւ չորս աւետարանները, ինչպէս «Փառք ի բարձունս»ի ամբողջ «Առաւօտու երգ»երը։ Կիրակի օրուան համար ունի Բժշկութեան չորս աւետարաններն ու «Նորաստեղծեալ» երգը, որու կը յաջորդէ «Քարոզ յորժամ ի թափօր ելանեն»։ «Օրհնեցէք մանկունք» սաղմոսէն յետոյ՝ նմոյշի համար ամբողջութեամբ ընդօրինակած է Մարտիրոսաց եւ Ապաշխարութեան շարականներէն ԱՁ. Մանկունքները, որոնց կը յաջորդէ «Արարչական» երգը ամբողջութեամբ։ Մնացածը կը համաձայնի տպագիր ժամագիրքներու։ 5. Թղ. 105բ. «Կարգաւորութիւն... Ա. րեւագալին ժամուն»։ Արեւագալի սաղմոսներն ու երգերը օրինակուած են ամբողջութեամբ։ 6. Թղ. 113ա. «Կարգաւորութիւն... Երրորդ ժամուն» եւայլն։ «Չսաղմոսերգութիւնս» ըսելէն յետոյ իսկոյն կ'անցնի «Աւրհնեալ թագաւորութիւնըն Հաւր...»։ Կը նշէ ճաշու փոխերը, երեքսրբեան «Սուրբ Աստուած»ը, պատարագի առաջին քարոզը, ճաշու սաղմոսները, «Հաւատամք ի մի Աստուած», իր քարոզն ու աղօթքը, որու իսկոյն կը յաջորդէ պատարագի «Հայր մեր»էն մինչեւ «Ի սուրբ ի սուրբ»ը կանխող աղօթքը։ Ապա պատարագի վերջին հատուածը՝ «Ամէն եղիցի անուն»էն մինչեւ «Աւրհնեալ եղերուք...»։ 7. Թղ. 139բ. «Աւրհնութիւն սեղանո(յ վասն մարմնաւոր կերակրոց»։ 8. Թղ. 142բ. «Կարգաւորութիւն... Երեկոյին ժամուն»։ 9. Թղ. 155բ. «Կարգաւորութիւն... խաղաղական ժամուն»։ Հակառակ որ բոլոր սաղմոսները օրինակուած են ամբողջութեամբ, վերջին «Շընորհատու բարեաց» աղօթքէն յետոյ չէ օրինակած «Երանեալ են Անբիծք»ը, այլ պարզապէս կը գրէ. «Յաղուհացին ասի Անբիծքն, իսկ յայլ աւուրս՝ Հայր մեր»։ կը շարունակէ «Ի քէն հայցեմք» երգն ու «Սրբուհի Մարիամ» յաւելեալ երգերը՝ ամբողջութեամբ, առանց խորագրային նչումներու։ 10. Թղ. 167ա. «Կարգաւորութիւն... Հանգստեան ժամուն»։ Իբր յաւելեալ աղօթք ունի միայն «Ընկալ քաղցրութեամբ», զանց ըրած է «Հաւատով խոստովանիմ»ը։ 11. Թղ. 175ա. (Երգ դպրութեան)։ Առանց յատուկ խորագրի՝ կը սկսի «Խորհուրդ խորին»էն, յաջորդաբար ունի պատարագի ընթացքին դպիրին ու սարկաւագին բոլոր երգերը, որոնց մէջ յատկանշական է «Մայր հաւատոյ սուրբ հարսնարան» երգը՝ ժողովրդեան հաղորդութիւն բաժնուած պահուն։ 12. Թղ. 191բ. «Պաշտման շարական ըստ չորից աւետարանաց. Աստուած անեղ...», «Արարիչ եւ մարդասէր...»։ 13. Թղ. 196բ. «Ողբ գերեզմանաց. Ես ասացի վերանալ»։ 14. Թղ. 200բ. «Տօնացոյց եւ աւետարանացոյց եւ կարգաւորութիւնք եւ հրա(հա)նք տէրունական տօնից, զոր եդեալ եւ սահմանեալ սրբոյն Սահակայ Հայոց հայրապետին, զոր ընկալեալ ի նմանէ՝ հասուցին առ մեզ նախնիքն մեր. Աստուածայայտնութեան ճրագալուցին...»։ Աւետարանացոյցը կը սկսի թղ. 266բ, որու կը յաջորդեն Մեսեդիներն ու ժամամուտները։ 15. Թղ. 272բ. (Պարզատումար) անվերնագիր. «Թվին հազար եւ երկուսն, բանալի յառաջին գիրն...»։ Թղ. 273բ-278ա ունի աղիւսակները, ՌԲ տարիէն մինչեւ ՌՇԻԹ, իսկ թղ. 282ա.էն կը սկսի անոնց բացատրութիւնը (Ա-Ք). «Եւթներրեակն Դ. Յունվար լա է, եշ ի մտանէ...»։ Թղ. 306բ, վերջին թուղթին վրայ ունի. «Ծնունդ լուսնի այսպէս արայ. կալ հանապազ լ կամ կ զվերադիրն...»,